Qarku Vlorë kryeson për përqindjen më të lartë të kriminalitetit gjatë vitit 2015, teksa niveli më i ulët i përket qarkut Dibër. Këto të dhëna janë saktësuar në raportin vjetor për kriminalitetin, që Prokuroria e Përgjithshme i ka dërguar Kuvendit. Sipas këtij raporti, koeficienti i kriminalitetit për procedimet penale të regjistruara, për 100.000 banorë në vitin 2015, bazuar në sistemin statistikor të Prokurorisë, është 1122, ndërsa në vitin 2014 ka qenë 1169.
Nuk përfshihet shifra e “errët” e krimit, për vepra penale të cilat nuk raportohen dhe mbeten të panjohura për organet e zbatimit të ligjit. “Në qarkun Berat që përfshin prokurorinë e shkallës së parë Berat koeficienti i kriminalitetit për 100.000 banorë në vitin 2015 është 738; në qarkun Dibër që përfshin prokuroritë e shkallës së parë Dibër dhe Mat, koeficienti i kriminalitetit për 100.000 banorë në vitin 2015 është 586; në qarkun Durrës që përfshin prokuroritë e shkallës së parë Durrës dhe Krujë, koeficienti i kriminalitetit për 100.000 banorë në vitin 2015 është 1087; në qarkun Elbasan që përfshin prokurorinë e shkallës së parë Elbasan koeficienti i kriminalitetit për 100.000 banorë në vitin 2015 është 897; në qarkun Fier që përfshin prokuroritë e shkallës së parë Fier dhe Lushnjë koeficienti i kriminalitetit për 100.000 banorë në vitin 2015 është 872; në qarkun Gjirokastër që përfshin prokuroritë e shkallës së parë Gjirokastër dhe Përmet koeficienti i kriminalitetit për 100.000 banorë në vitin 2015 është 1375; në qarkun Korçë që përfshin prokuroritë e shkallës së parë Korçë dhe Pogradec koeficienti i kriminalitetit për 100.000 banorë në vitin 2015 është 865; në qarkun Kukës që përfshin prokuroritë e shkallës së parë Kukës dhe Tropojë koeficienti i kriminalitetit për 100.000 banorë në vitin 2015 është 1006; në qarkun Lezhë që përfshin prokuroritë e shkallës së parë Lezhë dhe Kurbin koeficienti i kriminalitetit për 100.000 banorë në vitin 2015 është 1238; në qarkun Shkodër që përfshin prokuroritë e shkallës së parë Shkodër dhe Pukë koeficienti i kriminalitetit për 100.000 banorë në vitin 2015 është 1159;
në qarkun Tiranë që përfshin prokuroritë e shkallës së parë Tiranë dhe Kavajë koeficienti i kriminalitetit për 100.000 banorë në vitin 2015 është 1304 dhe në qarkun Vlorë që përfshin prokuroritë e shkallës së parë Vlorë dhe Sarandë koeficienti i kriminalitetit për 100.000 banorë në vitin 2015 është 1783”-thuhet në raportin e Prokurorisë dorëzuar në Kuvendin e Shqipërisë. Bazuar në të dhënat statistikore rezulton se në vitin 2015 janë filluar kryesisht 160 procedime penale nga ana e prokurorisë. Kallëzime nga nëpunësit publikë: në vitin 2015 rezulton të kenë ardhur në prokurori 1181 kallëzime, që do të thotë ulje prej 7,4 % në krahasim me vitin 2014, në vitin 2014 rezulton të kenë ardhur në prokurori 1275 kallëzime, që do të thotë rritje prej 17 % në krahasim me vitin 2013, në vitin 2013 rezulton të jenë 1087 kallëzime, që do të thotë ulje prej 4,1 % në krahasim me vitin 2012, ndërsa për vitin 2012 rezulton të kenë ardhur 1134 kallëzime, që do të thotë rritje prej 60,4 % në krahasim me vitin 2011.
Kallëzime nga personeli mjekësor: në vitin 2015 rezulton të ketë ardhur në prokurori 1 kallëzim, që do të thotë ulje kundrejt 8 kallëzimeve të ardhura në vitin 2014, në vitin 2014 numri i kallëzimeve nga personi mjekësor rezulton me rritje prej 2,6 herë në krahasim me vitin 2013 gjatë të cilit rezultojnë 3 kallëzime nga personeli mjekësor, për vitin 2012 rezultojnë 4 kallëzime penale dhe për vitin 2011 rezultojnë 3 kallëzime penale. Kallëzime nga shtetasit: në vitin 2015 rezulton të kenë ardhur në prokurori 2070 kallëzime, që do të thotë ulje prej 14,5 % në krahasim me vitin 2014, në vitin 2014 rezulton të kenë ardhur në prokurori 2420 kallëzime, që do të thotë rritje prej 14 % në krahasim me vitin 2013, në vitin 2013 rezultojnë 2118 kallëzime që do të thotë ulje prej 15,41 % në krahasim me vitin 2012.
Prokuroria
Në 2015 realizuam 4099 përgjime, 859 tek Krimet e Rënda
Prokuroria e Përgjithshme ka realizuar 4099 përgjime gjatë vitit të shkuar, nga të cilat 859 janë kryer nga Gjykata e Krimeve të Rënda. “Gjatë vitit 2015 janë ekzekutuar gjithsej 1945 vendime për lejimin e përgjimit, marrë nga prokurorët në kushtet e emergjencës si dhe vendime të autorizuara nga gjykata në hetimet paraprake, aplikuar në lidhje me 702 procedime penale. Sa sipër është mundësuar interceptimi për 4099 persona.
Numri më i madh i aplikimit të përgjimeve lidhet me procedimet penale të regjistruara nga Prokuroria pranë Gjykatës së Shkallës së Parë për Krime të Rënda, ku rezultojnë 859 vendime marrë në 164 procedime penale”,-thuhet në raportin e Prokurorisë së Përgjithshme drejtuar në Kuvend. “Përgjimi është një mjet efektiv për kërkimin e provës në procesin penal. Në sajë të ndjekjes në dinamikë të interceptimit nga oficerët e policisë gjyqësore të sektorit të përgjimeve dhe bashkëpunimit e bashkëveprimit me kolegët e tyre në terren, në vitin 2015 është arritur në arrestimin në kushtet e flagrancës të 593 personave të dyshuar për vrasje, trafikim të lëndëve narkotike, korrupsion, trafikim të armëve, e të tjera vepra, që përbën rritje prej 15 % krahasuar me një vit më parë.
Kalimi në kohë i informacionit të përfituar gjatë interceptimit, ka krijuar premisa për zgjerimin e hetimeve, rrethin e personave të inkriminuar duke i hapur rruge ecurisë së hetimit. Në disa raste mbi të dhënat e përfituara gjatë interceptimit, është mundësuar regjistrimi i procedimeve penale të tjera kryesisht për veprën penale të korrupsionit të personave që kryejnë funksione publike”-vijon më tej raporti. /Shqiptarja.com
