Aktualitet

Rama: Bisedime për të sjellë në Shqipëri fabrikën e prodhimit të vaksinave


Bëhu pjesë e Grupit Zyrtar të Opinion.al
>> KËTU <<
               Publikuar në : 16:08 - 25/03/21 |
Opi Nion

Kryeministri Rama në një konferencë nga aeroporti “Nënë Tereza” bëri me dije se kanë nisur bisedimet për të sjellë në Shqipëri fabrikën e prodhimit të vaksinave. Kryeministri deklaroi se bëhet fjalë për një nga kompanitë më të mëdha farmaceutike në botë që bën distribucionin e vaksinës Sinovac, por që është prodhuese e shumë vaksinave dhe produkteve të tjera farmaceutike.

“Jemi këtu së bashku në një moment të rëndësishëm në luftën kundër pandemisë. Para se të jap disa shpjegimie lidhur me vaksinat dua të japë një lajm besoj shumë të mirë. Kemi nisur bisedat për të sjellë në Shqipëri fabrikën e prodhimit të vaksinave.  Një fabrikë e teknologjisë të lartë. Një nga kompanitë më të mëdha farmaceutike në botë që bën distribucionin e vaksinës Sinovac, por që është prodhuese e shumë vaksinave dhe produkteve të tjera farmaceutike. Kjo fabrikë prodhuese, e cila do të hapë një tjetër faqe të rëndësishme në zhvillimin e sektorit të shëndetësisë në Shqipëri, e cila do të jetë një pikë referimi për prodhime të cilësisë më të lartë.

Ne sjellim sot në Shqipëri 192 mijë doza dhe brenda 60 ditësh, por me një kalendar më të shpejt se 60 ditë, do të kemi 1,2 milionë doza plus. Kjo na mundëson që menjëherë të shtrinjtë vaksinimin në të gjithë territorin dhe të nisin një proces shumë intensiv. Objektivi ynë është që deri në fund të muajit qershor, por me tolerancë fundin e qershorit, pasi brenda majit ne të kemi vaksinuar gjysmë milionë qytetarë”, tha Rama./Opinion.al

 

Pas