Aktualitet

Rama thirrje subjekteve: Vetërregullohuni, mos prisni kontrollin e të ndëshkoheni


Bëhu pjesë e Grupit Zyrtar të Opinion.al
>> KËTU <<
               Publikuar në : 11:53 - 16/05/22 |
Opi Nion

Në një konferencë të zhvilluar këtë të hënë, kryeministri Edi Rama tha se nuk gjen arsye se përse bizneset në vendin tonë nuk deklarojnë të plota pagat për punëmarrësit, pasi sipas tij, taksat në vendin tonë janë më të ulëtat në Rajon.

Sipas kreut të qeverisë nuk ka asnjë vend në rajon dhe Evropë taksë zero për biznesin e vogël siç e kemi ne.

Më tej, Rama u shpreh se drejtoria e tatimeve do të komunikojë me të gjithë tatimpaguesit për t’ju bërë me dije rezultatet dhe t’u kërkojë që të vetërregullohen e të mos presin që t’i vijë kontrolli e të ndëshkohen.

“Askush s’ka të drejtë t’i hy në hak njerëzve, aq më tepër në kushtet e sotme, që s’janë të lehta. Barra duhet ndarë në mënyrë të arsyeshme. Kush ka shpatullat më të forta duhet të mbajë një pjesë të ballës. Aq më shumë në një vend që i yni që i ka taksat e ulëta. Nuk ka asnjë në rajon dhe Evropë taksë zero për biznesin e vogël siç e kemi ne. Nga ana tjetër taksa për biznesin e madh është më e larta në Rajon, e kemi ngritur ne dhe e dimë që është gjëja e duhur. Nuk është e lartë 15% është e arsyeshme.

Nuk do të rrisim asnjë taksë, por kjo prezumon që të gjithë të marrin përsipër pjesën e tyre. Ndryshe nuk funksionon. Gjithsesi për ta mbyllur është një moment inkurajues ndarja me ju dhe me publikun e këtyre rezultateve që kemi arritur bashkërisht sepse nuk është rritje pagash që ka ardhur si rezultat i një pagese nga ana juaj, por është rritje pagash që ka ardhur nga dalja e errësirës në dritë. Kjo është gjëja më e rëndësishme. Ndërkohë që këtu ka ndikuar çuarja lart në 400 mijë lekë të vjetra që hy në fuqi së shpejti dhe e bën pak më të lehtë për ju se s’ka më asnjë taksë. Do të rrisim pagat për ushtarakët, punonjësit e policisë, mësuesit, mjekët, infermierët dhe besoj që është një frymëmarrje e rëndësishme në këto kushte që jemi.

Ne pamë të rëndësishme që këtë takim ta bëjmë në prani të atyre sektorëve që janë auditor. Përsëri drejtoria e tatimeve do të komunikojë me të gjithë tatimpaguesit për t’ju bëjë me dije rezultatet dhe t’u kërkojë që të vetërregullohen e të mos presin që t’i vijë kontrolli e të ndëshkohen”, tha kryeministri./Opinion.al

 

Pas