Kryeministri Edi Rama këtë të martë po vijon me prezantimin e programit të Partisë Socialise për arsimin, për zgjedhjet e 25 prillit.
Gjatë fjalës së tij, Rama tha se Partia Socialiste i ka kthyer meritën mësuesve ndërsa ka deklaruar se ata nuk përdorën më në fushata elektorale si në kohën kur opozita ishte në drejtim.
Më tej, ai sulmoi tre nga kandidatët e PD për të deputetë, profesor Mark Markun, Agron Gjekmarkaj dhe Albana Vokshi, për të cilët tha se janë 3 ministrat e Arsimit të KÇK.
“Mësuesit viheshin në rresh dhe mbushnin sheshet dhe mitingjet elektorale të kryeministrit të kohës si të ishin figurantët e paradave të dikurshme të 1 Majit komunist. A ju kujtohet, ishte vetëm 1 dekadë më parë, rasti skandaloz kur mësuesit u përdorën për t’i bërë karshillëk opozitës që protestonin për hapjen e kutive të votimit. Sot mitingjet e kryeministrit në oborret e shkollave ku fëmijët dëgjonin të sharat për opozitën duken si pjellë e një fantazie të shkurtër. Por në një kohë jo të largët kur drejtonin këta që duan të rikthehen në drejtim për ta vënë arsimin nën hyqmin e Markut, të Gjekmarkut, ishte realiteti i hidhur i marrëdhënies së pushtetit me shkollat. Ja ku i keni tre ministrat e Arsimit të KÇK-së. Dy personazhe autosatirike e klubeve të natës mediatike dhe një zonjë që njihet për fjalorin sharës-shpifës, foltore më foltore të tre reaksionarë. Sharrëxhinj, si sharrëxhinj, sharro me sharrë, dhe shajgjinj, shaj e shaj. Kujexhinj si vër kujën për çdo gjë që bëhet, për çdo punë që niset. Vetëm imagjinoni njërin, kapni njërin nga tre në krye të arsimit dhe merrni me mend fëmijën tuaj, mësuesin e fëmijës tuaj, shkollën e fëmijëve tuaj, larg qoftë, në duart e kujtdo prej këtyre të treve”, tha Rama/Opinion.al
