Aktualitet

Rama: Ju vendosni, ose përpara me PS, ose në gropë pas recetave çudibërëse


Bëhu pjesë e Grupit Zyrtar të Opinion.al
>> KËTU <<
               Publikuar në : 10:42 - 16/03/21 |
Opi Nion

Gjatë prezantimit të programit për arsimin kryeministri Edi Rama premtoi se brenda mandatit të tretë do të marrë jetë kampusi Universitar në Qytetin Studenti në Tiranë, i penguar nga tërmeti dhe pandemia.

Teksa tha se një tjetër risi do të jetë programi i inovacionit dhe ekselencës, kreu i qeverisë sulmoi sërish opozitën duke deklaruar se në mandatin e ardhshëm shqiptarët duhet të zgjedhin nëse do ecin përpara me PS apo do të shkojnë në gropë me ata që sipas tij nuk meritojnë shans tjetër.

“Kampusi i Universitetit të Tiranës në Qytetin Studenti, i penguar, i bllokuar si proces realizimi i penguar nga tërmeti dhe pandemia do të marrë jetë në mandatin e tretë. Do ta përfundojmë më shpejt kampusin e Universitetit Bujqësor të Tiranës. Risia tjetër e mandatit të tretë për të rinjtë do të jetë paketa e programit të inovacionit dhe ekselencës.

Qëllimi i kësaj risie është të mbështesim fuqishëm në kushtet e krijuara kalimin e sistemit të manifakturës shqiptare që njihet si fason në një nivel tjetër duke synuar prodhim “Made in Albania”. Kemi të rinj fantastikë që janë këtu dhe në këndet e tyre zhvillojnë një sektor ku ne duam të futemi fuqishëm si aleatët e tyre. Në këtë dekadë kjo është zgjedhje strategjike për ta bërë Shqipërinë e vitit 2030 platformën e një zhvillimi fantastik. Prindër të dashur.

Po të kthejmë kokën aty ku u nisëm 7 vite më parë janë shumë për një vend që vjen nga një histori e dhimbshme. Sot ne socialistët jemi kryelartë por ama, njëherë kur shoh horizontet e 2030 dhe hendekun e madh nuk më mbetet asgjë veçse të ul kokën dhe para jush të kërkojmë jo thjesht me bindje por me një bindje të thellë mbështetjen që të ecim përpara.

Ajo që kemi bërë është e jashtëzakonshme në krahasim me atë që gjetëm por nuk është asgjë në krahasim me atë që duam të bëjmë. Rruga është e përpjetë, maja është ende larg por zgjedhja, o së bashku drejt majës, o rrokat pjepthi mbrapsht me ata që nuk e meritojnë një shans tjetër për të udhëhequr Shqipërinë pasi i patën shanset dhe nuk bënë asgjë. Im bir sot është 30 vjeç dhe ata që lindën në vitet 90 sot janë 30 vjeç dhe vuajnë kostot e atyre që u ranë shumë shkurt punëve. Në 25 prill luhet fati i të lindurve në këtë shekull të ri. Ju vendosni, o përpara, o prapë në gropë pas menuve të pasura dhe recetave çudibërëse”, tha Rama./Opinion.al

 

Pas