Aktualitet

Rama: Spitali i ri i Laçit gati brenda 6 muajve të parë të vitit tjetër


Bëhu pjesë e Grupit Zyrtar të Opinion.al
>> KËTU <<
               Publikuar në : 12:30 - 14/12/19 |
xhu lia

Kryeministri i Shqipërisë Edi Rama ka qenë gjatë ditës së sotme në qytetin e Laçit ku ka inspektuar dëmet e bëra nga tërmeti i datës 26 Nëntor.

Gjithashtu ai ka debatuar me disa nga banorët, të cilët nuk kanë dalë nga banesat e dëmtuara. Ai iu ka kërkuar që të largohen si dhe të përfitojnë nga bonusi i qirasë.

“Të shkoni dhe të merrni bonusin e qirasë. Mirë, mirë hajt se ju nxjerrim ne. Mos i lini aty merrni policinë dhe çojini”,-u shpreh Rama.

Më pas kryeministri u ndal në spitalin e Laçit, i cili është  spostuar në një tjetër vend për shkak të dëmtimit që ka pësuar godina ekzistuese si pasojë e tërmetit.

Rama theksoi se spitali i ri i Laçit me të gjithë parametrat do të jetë gati brenda 6 muajve të parë të vitit tjetër.

“Faleminderit për të gjithë punën dhe sakrificat. Ky është spital partizan për momentin. Do ta kalojmë këtë fazë kështu por ne shumë shpejt do ndërtojmë spitalin e ri. Kemi bërë gjithë përgatitjet për të filluar projektin. Do ta bëjmë shumë më mirë se ai që është. Optimal për ju që të jetë në lartësinë tuaj spitali. Jeni super gra dhe vajza, ju e mbani në këmbë dinjitetin e Laçit. Do bëhet një projekt i madh për Laçin, me faza. Spitalin do e bëjmë shpejt dhe me teknologji të re, antisizmike, gjithçka. Unë besoj që deri në fund të pranverës do e bëjmë spitalin e ri, ja deri në qershor. Por besoj se 6 muajt e parë do e mbyllim. Do e bëjmë model. Detyra juaj t’iu mësoni burrave se kur bëhet fëmija do 9 muaj. Mësojeni se çfarë heq një grua për ta çuar fëmijën në jetë se ata nuk e kuptojnë. E dinë se janë partnerë të barabartë në jetë,”-ka përfunduar kryeministri./Opinion.al/

 

 

 

 

 

 

Pas