Aktualitet

Rama: Së shpejti marrëveshje me kompani turke për shtëpi antisizmike


               Publikuar në : 12:11 - 10/12/19 |
xhu lia

Kryeministri Rama së bashku me ministren e Shëndetësisë Ogerta Manastirliu kanë vizituar mëngjesin e kësaj marte një nga spitalet e QSUT, i cili është dëmtuar në tërmetin e 26 Nëntorit.

Gjatë vizitës ministrja u shpreh se ka disa spitale të dëmtuara rëndë nga tërmeti. Kryeministri u shpreh se qeveria është punuar për të siguruar një marrëveshje me një kompani të madhe turke që do të ndihmojë në ndërtimin e godinave të prishura.

“Po bëjmë një negocim me një kompani të madhe turke të certefikuar që punon në Amerikë për një supermarrëveshje për shtëpitë antisizmike, ekologjike, kundër zjarrit dhe i thashë të na japin disa oferta për qendra shëndetësore sepse janë me një kosto më të ulët dhe janë super dhe mund të bëjnë më shumë”, –ështe shprehur Rama.

Ndërkohë Manastirliu ka thënë se në këtë fazë të parë është përqëndruar plani rikonstruksionit emergjent dhe më pas do të vijohet me planin e rindërtimit.

“Në fazën e parë, aktualisht jemi të përqëndruar në planin e rikonstruksionit emergjent, më pas vijojmë me planin e rindërtimit. Por e rëndësishme është që qytetarëve nuk u mungon shërbimi në qendrat shëndetësore apo spitalet që kanë patur dëmtime. Po organizojmë punën për të shpërndarë qoftë mjekët në struktura të tjera apo edhe për të marrë me qera ambiente të tjera”, tha Manastirliu. Ndërkohë që faza tjetër do të jetë rindërtimi nëpërmjet programit që tashmë e keni shpallur,”-ka përfunduar ajo./Opinion.al/

Pas