Kryeministri Edi Rama ka reaguar pas protestës së opozitës. Me anë të një shprehje të Sun Tzu (një gjeneral, strateg, shkrimtar dhe filozof i periudhës së viteve 500 p.e.s në Kinë), ai etiketon opozitën si humbëse.
“Fituesit fillimisht fitojnë, pastaj nisen në betejë. Ndërsa humbësit nisen njëherë dhe më pas rreken të fitojnë”, shkruan Rama.
Opozita zhvilloi protestën e 10 kombëtare këtë të hënë. Fillimisht u zhvillua përpara Kryeministrisë, pastaj u zhvendos drejt parlamenti dhe në fund u mbyll tek selia e Partisë Demokratike.
Kryedemokrati Basha theksoi se javët në vazhdim do të jenë ditë të ngjeshura të aksionit politik për t’i dhënë besueshmëri ndryshimit që po vjen.
“Dua ta dijë mirë sot dhe në ditët në vijim PD opozita e bashkuar e kanë dëgjuar klithmën tuaj për ndryshim. Ndryshimi është tani, qëllimi ynë kryesor, përparësia jonë absolute, prioriteti ynë i parë karshi çdo shqiptari edhe socialisti të ndershëm. Ditët dhe javët në vijim do jenë ditë dhe javë aksioni të ngjeshur politik për t’i dhënë formë, për t’i dhënë thelb dhe besueshmëri ndryshimit të vërtetë për çdo shqiptar. Nuk do jetë çështje fjalësh, por veprash dhe garancish. Edi Rama do të largohet, por është detyra jonë të mos mjaftohemi me rotacionin politik që po vjen, por t’i japim shqiptarëve fundin e tranzicioni, fillimin e Shqipërisë evropiane”, tha Basha./ Opinion.al
