Para nisjes në Londër, ku do të marrë pjesë në Samitin e NATO-s, Rama u ka dhënë një tjetër mesazh shqiptarëve.
Përmes një video-mesazhi në “Facebook”, Rama garantuar që gjithë qytetarët e prekur nga tërmeti të mos shqetësohen këto 24 orë që s’do jetë, pasi do vijojë gjithçka në terren si ditët e mëparshme.
Më tej, kreu i qeverisë thekson se nuk do të flejë gjumë, deri sa t’i sigurojë një strehë nevojtarit të fundit dhe të përfundojë programin e ringritjes.
Kryeministri ka dhënë këshilla qytetarëve që të mos marrin informacion nga televizionet apo portalet, ndërsa ka shtuar “Shqipëria e plagosur kaq keq do ringrihet më fort”
“Nesër pasdite do të nisem për Tiranë, por me një ndalesë, pasi do jem në një intervistë në “Porta-Porta”, në Romë. Pastaj do kthehem në Tiranë, ku do jem në mbledhjen e jashtëzakonshme të qeverisë. Samitin e NATO-s do ta shfrytëzoj me sa të mundem për të folur për ju. Asnjë merak për këto 24 orë, sepse do jemi në komunikim dhe në terren gjithçka do të vazhdojë po njëlloj, sipas planit.
Hotelet do presin qytetarët që lëvizin nga zonat urbane, ndërsa ata që nuk lëvizin dot nga toka, do vijojmë t’i pajisim me çadra. Ne nuk kemi ndërmend të flemë gjumë pa mbuluar me strehë nevojtarin e fundit dhe pa përfunduar për të gjithë programin e rindërtimit, në një banesë më të mirë se ajo që kishit. Ju lutem, sa më pak televizor, hiç portale. Siç thotë një shprehje popullore “Lavdia më e madhe nuk është të mos rrëzohesh asnjëherë, por të ringrihesh pasi rrëzohesh”. Shqipëria e plagosur kaq keq do ringrihet më fort”, tha Rama./Opinion.al
