Për të gjithë personat që këtë vit nisin klasën e 10, pra gjimnazin, regjistrimin do ta kryejnë në portalin qeveritar e-Albania. Kryeministri Edi Rama ka publikuar ditën e sotme një video ku shpjegohet procedura e aplikimit.
Sikurse shfaqet në pamje nxënësit fillimisht zgjedhin shkollën 9 vjeçare që kanë frekuentuar dhe sistemi automatikisht shfaq gjimnazin që i takon shkollës ku ke kryer arsimi bazë. Mjafton të bashkëlidhësh dëftesën e lirimit dhe regjistrimi ka përfunduar.
“E-Albania me një modul të ri për regjistrimet në gjimnaze
Klasa e dhjetë nis ndryshe këtë vit
Regjistrimi kryhet në më pak se 1 minutë.
- Përzgjedh shkollën 9 vjeçare që ke frekuentuar
- Sistemi shfaq gjimnazin që i takon shkollës ku ke kryer arsimi bazë
- Bashkëlidh dëftesën e lirimit dhe kaq
Kliko Dërgo
e-Albania ju uron suksese dhe vit të mbarë shkollor!”, shkruan Edi Rama.
