Kryeministri Edi Rama e ka nisur ditëm e stome duke kujtuar tërmetin e 21 shtatorit ndodhur një vit më parë.
Në videon e publikuar në faqen e zyrtare të “Facebook” të kryeministrit theksohet se 65 familjet që mbetën të pastrehuara atë kohë, janë futur tashmë në banesa të reja.
Ndërsa në lidhje me tërmetin e 26 nëntorit ku la pas dëme të shumta materiale, viktima dhe qindra shtëpi të dëmtuara, kryeministri thotë që puna ende vijon.
“Sot 1 vit nga tërmeti i 21 shtatorit NE THEMI ATË QË BËJMË DHE BËJMË ATË QË THEMI!”, shkruan Rama.
Por, në një kohë kur qeveria deklaron se procesi i rindërtimit po ecën me ritme të shpejta, ka ende shumë qytetarë të cilët jetojnë në kushte tejet të vështira duke qëndruar në çadra ose në banesat e dëmtuara nga tërmeti.
Situata vështirësohet edhe më tepër me afrimin e dimrit, pasi shumë familje që ende nuk kanë një strehë do të përballen në çadra me temperaturat e ulëta./ Opinion.al
