Aktualitet

Rama: Përsërit Kosovë, Kosovë. Putin bën gjithçka për të krijuar një fitil të ri



Bëhu pjesë e Grupit Zyrtar të Opinion.al
>> KËTU <<
               Publikuar në : 14:24 - 04/09/22 |
Opi Nion

Vladimir Putin kërkon të krijojë konflikt duke përmendur vazhdimisht Kosovën. Kështu është shprehur kryeministri Edi Rama në një intervistë të dhënë për gazetën gjermane “Der Spiegel”.

Përsërit vazhdimisht: “Kosovë, Kosovë, Kosovë”. Shefi i Kremlinit nxit problemet më të dhimbshme nga të gjitha të pazgjidhurat në Ballkan dhe bën gjithçka për të krijuar një fitil të ri”- ka thënë Rama.

 Media gjermane shkruan se Rama e sheh vendin e tij të pozicionuar fort drejt Perëndimit. “Kur Hillary Clinton telefonoi një vit më parë dhe kërkoi të merrja disa mijëra refugjatë afganë pa dokumente, përgjigjja ishte menjëherë po”, theksoi Rama.

Më tej “Der Spiegel” shkruan se kryeministri shqiptar po provon një ekuilibër të vështirë: ai dëshiron të integrojë Ballkanin Perëndimor dhe të garantojë Kosovën si shtet të pavarur, por në të njëjtën kohë të shërojë dhimbjet fantazmë të Serbisë.

“Vendimi për pavarësinë e Kosovës ishte i duhuri!”, thotë Rama. “Në fund të fundit, tani ka edhe një “proces paqeje dhe pajtimi” edhe nëse do të vazhdojë për një kohë të gjatë”.

Ndër të tjera Rama ka folur edhe për nismën “Open Balkan”.

“Megjithatë, kohët e fundit ka pasur edhe zhvillime inkurajuese në Ballkan. Kështu që unë dua që Serbia, Shqipëria dhe Maqedonia e Veriut të krijojnë një lloj mini-zone Shengen për të bërë shkëmbime më të mira”.

Rama thotë se në fakt e gjitha ka qenë ideja e Angela Merkelit. Përmes saj, ai dhe Vuçiç gjetën një marrëdhënie të qëndrueshme pune, “pavarësisht historisë së dhimbshme”.

Në vitin 2014, Kancelarja ftoi gjashtë krerët e qeverive të Ballkanit Perëndimor në Gjermani, të cilën e quajti “Procesi i Berlinit”. Merkel tha se ‘ishim evropianë, edhe pse jo ende anëtarë të Bashkimit Evropian”.

“Për herë të parë në historinë e Ballkanit, politikanë të lartë u ulën së bashku në një tryezë një herë në vit, gjithmonë në qytete të ndryshme evropiane, në Londër, Paris, Trieste, Vjenë.

Deri sa u largua nga politika, Merkel ishte personalisht çdo herë e pranishme. Kjo ka ndryshuar gjithçka”, thotë kryeministri shqiptar, Edi Rama.

Pas