Kryeministri i vendit, Edi Rama na një intervistë për britaniken “The Telegraph” ka shprehur shqetësimin e tij lidhur me rrezikun që ekziston në Ballkan.
“Në qoftë se administrata Trump injoron rajonin, Ballkani mund të rrëshqas nën ndikimin e Rusisë.”- ka thënë ai.
Ai është pyetur gjithashtu rreth asaj që Bashkimi Evropian është duke bërë për të siguruar stabilitetin në rajon dhe për të bllokuar pretendimet e Moskës.
Në intervistës e “The Telegraph” Rama është cilësuar si kryeministri karizamatik i Shqipërisë.
“Ballkani nuk do të jetë një vend ku ka paqe dhe bashkëpunim nëse nuk ka mbështetjen e SHBA-së. Për Shtetet e Bashkuara kjo është një zonë strategjike shumë e rëndësishme, ashtu sikurse SHBA është shumë e rëndësishme për në.”- shprehet ai.
“Rusia ka qenë e interesuar në përhapjen e ndikimin të saj dhe ka mjaftueshëm në rajon”- vazhdon më tej Rama.
Pas konflikteve të forta në Bosnjë dhe Kosovë shtetet e Ballkanit sipas kryeministrit janë vetëm kthim nga armiq në fqinj.
“Nëse ka një tërheqje nga ana e SHBA-së dhe BE-së ne mund të kthehemi në baza dhe ne e dimë se çfarë do të thotë BAZA në Ballkan.”
Ai shtoi gjithashtu: “Ndikimi i Rusisë është më i fortë se më parë, është i pranishëm në qarqe politike, veçanërisht në Serbi dhe Mal të Zi. Kjo nuk është një gjë tërheqëse për shoqërinë.
Gazetari Thomas Harding shkruan se Shqipëria nën ndikimin e diktatorit Enver Hoxha që zgjati 40 vjet ishte izoluar si nga Lindja ashtu edhe Perëndimi. Që prej rënies së komunizmit Shqipëria ka luftuar për të marrë përsëri veten në këmbë.
Në shkrimin e “The Telegraph” është pasqyruar gjithashtu edhe procesi i reformës në drejtësi dhe beteja e reformimit të një sistemi të korruptuar gjyqësor. Si kush për anëtarësimin në BE, duket të verifikohen 800 gjyqtarët e prokurorët e vendit për pasurin apo precedentët penal.
“Ky ka qenë një shqetësim i madh i opozitës, pasi ata kanë qenë për vite në pushtet dhe kanë arsyet e tyre për të pasur frikë nga një sistem i pastër dhe performancë e mirë e drejtësisë”- thotë Rama.
Pas tre vitesh në detyrë, “The Telegraph” shkruan se popullariteti i Ramës mbete i lartë me 56% të miratimit. Sipas Ramës ekonomia është lulëzuar, duke u rritur me 3.4% vetëm vitin e kaluar, duke parashikuar një rritje të ngjashme edhe për 2017-ën.
“The Telegraph” ka përmendur gjithashtu turizmin në vend, i cili gradualisht po fiton reputacionin e humbur nga periudha komuniste.
“Njerëzit janë ndikuar nga stereotipi i Shqipërisë si një vend i zymtë, ku të gjitha gjërat janë të errëta, por nuk është kështu, është krejtësisht e ndryshme”- përfundon Edi Rama intervistën e tij./ PËRSHTATI OPINION.AL
NDALOHET RIBOTIMI PA PËRMENDUR BURIMIN
