Kryeministri Edi Rama gjatë një aktiviteti me gra dhe vajza në Tiranë, ka treguar ndër të tjera për njohjen me ish-ministren Mimi Kodheli.
Rama ka deklaruar se njohja me Kodhelin ka qenë e hershme kur ishte i vogël dhe ajo shkonte për vizitë tek shtëpia e tyre bashkë me prindërit e saj.
Kryeministri e përshkroi atë si një vajzë kinge, ndërsa shton se luante ne një fushë basketbolli poshtë pallatit dhe i tregonte sa i zoti ishte për të bërë kosh për ti rënë në sy.
“Mimi është këtu sot pas një rruge shumë të gjatë. Qysh nga koha kur unë….Se me Mimin kishim një lidhje të largët, në kohë të largët, për shkak të prindërve. Unë isha i vogël kur prindërit e Mimit vinin për vizitë të shtëpia jonë, bashkë me Mimin. Mimi ishte një superkinge me flokë të gjata, nga ato lloj kingesh që kur futet në jetën e një pubertari krijojnë fantazira. Gjëja që bëja unë ishte…Ne kishim një fushë basketbolli poshtë pallatit, Mimi dilte unë dilja edhe gjuaja poshtë, tregoja sa i zoti isha për të bërë kosh. Por deri këtu, asgjë më shumë se kaq. Për shumë vite nuk u takuam më. Mimi punonte në sektorin bankar dhe erdhi të punonte me mua në Bashkinë e Tiranës. Mimi është një vajzë, grua, është këtu për një arsye”, tha Rama./Opinion.al
