Aktualitet

Rama njofton mbylljen e fushatës në Tiranë: Faleminderit patronazhistëve


Bëhu pjesë e Grupit Zyrtar të Opinion.al
>> KËTU <<
               Publikuar në : 13:23 - 22/04/21 |
Opi Nion

Kryeministri Edi Rama përmes një videoje të publikuar në rrjetin social Facebook ka njoftuar se sot në orën 18:00 do të organizohet takimi përmbyllës i Partisë Socialiste në Tiranë.

Kreu i qeverisë shkruan se takimin nuk do e ndal asgjë jo shiu, por dhe gurë të bien nga qielli, ndërsa nuk harron të falënderojë patronazhistët të cilëve iu thotë forca, derë më derë, çdo trokitje e juaja është për 12-ën, numrin që PS ka në fletën e votimit.

“Faleminderit patronazhistëve tanë dhe forca, derë më derë, çdo trokitje e juaja për 12-ën e pavarësisë, 12-ën e lindjes së Partisë Socialiste, 12-ën e yjeve të flamurit të Europës, 12-ën e aritmetikës korrekte (4×3=12) është një trokitje në derën e të ardhmes. Asnjë frikë, asnjë ngurrim, asnjë luhatje prej atyre që kanë kapur alltiet e marrëzisë që të ndalin të pandalshmen, ngjitjen e Shqipërisë në majën ku Zoti i deshi shqiptarët kur e bekoi këtë vend të vogël me dy dete, plot lumenj e liqene, maja me dëborë e fusha me diell gjatë krejt vitit. Përpara me të gjithë forcën e dashurisë për gjyshet e gjyshërit, prindërit e fëmijët dhe për këtë vend ku duhet të lemë gjurmën e krenarisë sonë për emrin shqiptar.S hihemi sonte, në orën 6, tek sheshi i Skënderbeut, këtu në Tiranë dhe jo shi, po gurë të bien nga qielli, t’i tregojmë mbarë Shqipërisë forcën e karakterit e të pasionit tonë për Shqipërinë”, shkruan Rama./Opinion.al

Pas