Aktualitet

Rama në OKB: Kosova e pavarur është realitet që vazhdon prej 13 vjetësh


Bëhu pjesë e Grupit Zyrtar të Opinion.al
>> KËTU <<
               Publikuar në : 22:30 - 24/09/21 |
Opi Nion

Kryeministri Edi Rama ka mbatjur fjalën e tij në Asamblenë e Përgjithshme të OKB-së. Ai u shpreh se Shqipëria është gati për integrimin në BE.

“Presim me padurim konferencën e parë për çeljen e negociatave. E kam thënë dhe më parë. Shqipëria ka kohë që është gati, ajo pret që BE të bëjë pjesën e saj. Integrimi është aspiratë mbarërajonale dhe burim frymëzimi. Me të 6 vendet e Ballkanit perëndimor që kanë rënë dakord pë rnjë treg të përbashkt. Po punojmë bashkësrisht për të respektuar 4 liritë themelore të BE-së”. tha Rama.

Kryeministri pohoi se Asambleja nuk është e plotë pa Kosovën. “Një Kosovë e pavarur është realitet që vazhdon prej 13 vjetësh dhe ka sjellë më shumë paqe në rajon. Është pjesë e së ardhmes së Ballkanit perëndimor. Shqipëria mbështet dialogun Kosovë- Serbi që do të sjellë njohjen e ndërsjellë të dy vendeve”, u shpreh Rama.

Ndër të tjera, Rama theksoi pozicionin e Shqipërisë si një vend i angazhuar për luftën kundër terrorizimit dhe respektimin e të drejtave të njeriut.

“Shqipëria tashmë është një vend që karakterizohet nga nga resekti për dallimet, toleranca për  besimet e ndryshme fetare. Shqipëria sillet në Këshillin e Sigurimit me një axhendë të qartë përparësish që prezanton atë që Shqipëria përfaqëson; paqen, respektimin e ligjit dhe të drejtave të njeriut rritjen e pjesëmarrjes së grave në vendimarrje, respektimin e  plotë të tratateve dhe konventave ndrkombëtare”, tha Rama.

Duke folur për angazhimin e qeverisë shqiptare ndaj pandemisë, Rama u shpreh se në mënyrë urgjente duhet të përmirësohet qasja ndaj vaksinës.

“Sot  në Shqipëri kemi më shumë se gjysmën e popullsisë të vaksinuar dhe besojmë se do kemi të gjithë popullsinë e rekomanduar në 10 muajt e ardhshëm. Të përmirësojmë në mënyrë urgjente qasjen ndaj vaksinave sepse personat e pavaksinuar mbartin rrezikun e shfaqjes së varianteve më vdekjeprurëse”, tha Rama./Opinion.al

 

Pas