Kryeministri Edi Rama zhvilloi ditën e sotme një vizitë zyrtare në Itali, ku u takua me homologun e tij, Giuseppe Conte.
Dy kryeministrat diskutuan në takimin e tyre çështje më të rëndësishme aktuale mes dy vendeve. Në konferencë e përbashkët për mediat, kryeministri italian tha se së shpejti do të ngrihet një komision i përhershëm ekonomik dy palësh në ndihmë të sipërmarrjeve italiane që operojnë në Shqipëri.
Sipas tij, ky komision do të jetë urë komunikimi mes tyre e administratës shqiptare si dhe për të identifikuar mundësitë e investitorëve italianë në Shqipëri.
Kryeministri Conte informoi gjithashtu se mes dy vendeve është arritur marrëveshja e transferimit të të burgosurve shqiptarë nga Italia në Shqipëri.
Sipas statistikave zyrtare deri më 31 dhejtor të 2018 në burgjet italiane vuajnë dënimin rreth 2568 shqiptarë, të cilët janë të dytët për nga numri pas të burgosurve me kombësi marokene.
Ndërkohë, kryeministri Rama i kërkoj kreut të ekzekutivit italian intesifikimin e bisedimeve për njohjen e pesioneve të emigrantëve shqitparë në Itali.
“Kemi nisur të punojmë në këtë drejtim, tha Rama, por duhet të përshpejtojmë bisedimet për arritjen e një marrëveshje mes dy vendeve që këta emigrantë kontribues të sigurimeve shoqëore dhe në Shqipëri t’u njihet kjo e drejtë për ekonominë e dinjitetin e tyre, por dhe për miqësinë historike që lidhin këto dy vendeve”,-tha Rama./ Opinion.al
