Aktualitet

Rama jep njoftimin për bizneset dhe individët që kanë për të paguar qera


               Publikuar në : 13:34 - 02/04/20 |
Al Do

Kryeministri Rama ka njoftuar sot se akti normativ i masave të vecanta në kuadër të krizës së pandemisë së koronavirusit “ndalon pagesat e qerave nga ana e bizneseve të vogla dhe familjarëve të regjistruar në punë, që kanë ndaluar punën për shkak të luftës!”.

“Për çdo rast presioni nga qeradhënësit, subjektet qeramarrës të dy kategorive të mësipërme, të drejtohen në faqen online të drejtorisë së përgjithshme të tatimeve”, shkruan Rama.

Ai shkruan se qeradhënësit që do të shkelin këtë urdhër duke kërkuar pagesën mujore “do të penalizohen me gjobë sa pesëfishi i vlerës së qerasë përkatëse”.

Sa i përket atyre që kanë humbur punën në të zezë dhe kanë qera për të paguar, Rama thotë se mund të përfitojnë “vetëm duke denoncuar punëdhënësin”.

“Kjo luftë kërkon medoemos që kushdo ka një mundësi më shumë, të solidarizohet me fakte jo me fjalë, për këdo që s’ka asnjë mundësi të mbijetojë pa solidaritet”, mbyll Rama mesazhin e tij. /Opinion.al

Pas