Kryeministri Edi Rama thotë se ka qenë kundër kallëzimit në prokurori që Partia Socialiste ka depozituar, për thirrjet e ish-kryeministrit Sali Berisha për armatosjen e qytetarëve.
I ftuar në emisionin “Kapital” të gazetarit Aleksandër Furxhi, në Vizion Plus, Rama është shprehur se ka qenë në minorancë me qëndrimin e tij për këtë çështje, pasi deklarata e Berishës nuk duhej marrë seriozisht.
“Personazhi është gjithmonë e më qesharak dhe ajo thirrje është shprehje kuptimplotë e shterimit mendor, ezaurimit dhe depresionit të madh, në të cilin ndodhet Partia Demokratike në tërësi. Sali Berishën mund ta hetojë vetëm një sistem drejtësie i cliruar nga mijëra fijet që sot e mbajnë peng. Thirrja e Berishës ishte që njerëzit të rrëmbejnë armët dhe të mbrojnë SHQUP-in nga Reforma në Drejtësi”– ishte komenti i Ramës.
