Aktualitet

Rama inspekton spitalin e Fierit, s’kursen batutat me të sëmurin e mjekët


Bëhu pjesë e Grupit Zyrtar të Opinion.al
>> KËTU <<
               Publikuar në : 16:15 - 31/05/21 |
Opi Nion

Kryeministri Edi Rama ka qenë ditën e sotme në spitalin Rajonal Memorial të Fierit.

Bëhet me dije se në këtë spital deri më tani janë kryer 100 konsultat e para, dy operacione dhe 18 pacientë janë të parët që janë shtruar në këtë spital.

Kreu i qeverisë u njoh nga afër me mënyrën e funksionimit të këtij spitali, ku po bashkëpunojnë mjekë shqiptarë dhe turq.

“Jemi akoma të rinj, spital që është ndërtuar në një kohë shumë të shkurtër e kemi bërë hapjen shpejt të spitalit. Pas 2 vjetësh mund dhe të mos e njihni spitalin kryeministër, kaq shumë kemi ndërmend të përparojmë”, iu drejtua drejtori i përgjithshëm i spitalit Ramës, kur ai pyeti “si e shikon shefi këtë punë?”.

Ndërkohë gjatë vizitës tek një nga pacientët e shtuar në spital, Rama bëri humor, kur tha “po këtë pse e mbani se ky qenka në super formë”, duke iu referuar mënyrës se si i sëmuri e priti Ramën.

Rama vijoi më tej, ndërsa tha; “po këtë pse e mbani se ky qenka në super formë”.

“Unë jam i sëmurë o kryeministër po do shërohem po ti të na rrosh, e stafi juaj, këtu qenka fantastike, qenkan florinj, punëtorë e shumë pastërti”, -i tha pacienti.

Kryeministri vizitoi gjithashtu edhe qendrën e rezonancës, ku një pacient me hernie po bënte rezonancë.
“Hernia diskale, qenka si unë se dhe unë e kam”, tha Rama, ndërsa shefi i përgjithshëm i spitalit i tha kryeministrit; “Ua bëjmë që tani rezonancën, kur të doni”, batutë që shkaktoi të qeshura./Opinion.al

Pas