Pavarsisht se nuk ka dakordësi me opozitën, kryeministri, Edi Rama, ka publikuar një videomesazh në Facebook, ku promovon listat e hapura të kandidatëve për deputetë.
Kreu i qeverisë shkruan se hapja e listave përfshin qytetarët edhe në zgjedhjen e deputetëve, si dhe theksoi se PS do atë që duan qytetarët.
“Hapja e listave përfshin qytetarët edhe në zgjedhjen e deputetëve, jo vetëm të partive dhe ne do të hapim listat sepse Partia Socialiste do atë që duan qytetarët”, shkruan Rama në Facebook.
Në orën 19:00, kryeministri do të takohet përsëri me opozitën parlamentare, që gjithashtu kërkon lista të hapura, ndryshim ky që nuk pranohet në këtë moment nga opozita jashtë parlamentit./Opinion.al
