Kryeministri Edi Rama deklaroi sot se “600 mijë shqiptarë të pasiguruar do të marrin ilaçet e rimbursueshme”. “Qytetarët po bëhen të gjithë të barabartë në aksesin për shërbimin shëndetësor. Tani mjeku i familjes është falas dhe tarifat e shërbimit janë simbolike”, deklaroi Kryeministri.
“Shëndetësia është sektori më i paragjykuar, pasi lidhet jeten e njeriut, por një gjë është e sigurt ata që marrin shërbim janë shumë më pozitive se sa ata, që për të fat të mirë, nuk kane pasur nevojë të shkojnë në spitale dhe të shohin ndryshimin”, tha ai.
Kreu i qeverise njoftoi se brenda pranverës do të shërbehet me receta elektronike, e cila do ti japë fund korrupsionit sistemik, pasi çdo mall që shitet do të regjistrohet.
Reagon PD-ja
Albana Vokshi pasi rreshtoi një sërë dështimesh të qeverisë në shëndetësi tha se Rama në prag të zgjedhjeve lëshon gënjeshtren e rradhës. “Edi Rama hapi thesin dhe hodhi gënjeshtrën e radhës me shëndetësi falas: do të paguajë ilaçet e rimbursueshme për 600 mijë qytetarë të pasiguruar. Por në buxhetin e shëndetësisë për vitin 2017 nuk ka parashikuar fond shtesë për këtë gjë, ndërkohë që do të duheshin të paktën 68 milionë euro për t’i rimbursuar”, u shpreh Vokshi.
“Gënjeshtra tjetër është receta elektronike. Edhe këtë projekt Edi Rama e ka bërë për klientët dhe jo për qytetarët ndaj edhe ka dështuar. Edhe pse projekti pilot në Durrës ka dështuar siç e ka pranuar vetë qeveria (DRF Durres), softëare i Beqes ka krijuar anomali (nuk regjistrohen të dhënat, nuk bëhet dot inventari, kodet nuk njihen etj) duke i lënë të sëmurët pa ilace, Edi Rama i ka dhënë 5 milionë euro të tjera, një tjetër klienti për ta shtrirë dështimin në të gjithë Shqipërinë”, tha deputetja demokrate.
