Kryeministri Edi Rama i është përgjigjur Presidentit Ilir Meta i cili gjatë konferencës për mediat deklaroi se ai është jo vetëm komandant i përgjithshëm i Forcave të Armatosura, por dhe ushtari i parë për të mbrojtur Shqipërinë.
Përmes një postimi në rrjetet sociale, Rama i drejtohet presidentit duke shkruar se ai është thjesht komandant i LSI dhe jo komandant i përgjithshëm i Forcave të Armatosura pasi Shqipëria nuk është në luftë.
“Ilir ti je thjesht Komandant i LSI sepse Shqipëria nuk është në luftë dhe në kohë paqe Forcat e Armatosura nuk janë nën komandën e Presidentit të Republikës, i cili sipas Kushtetutës nuk komandon asgjë dhe askënd, po mishëron unitetin kombëtar dhe jo dasinë, sherrin, degradimin,”-shkruan Rama./ Opinion.al
