Kryeministri i Shqipwrisw, Edi Rama, gjatw njw takimi me gratw dhe vajzat nw Elbasan ka deklaruar se neswr nis zyrtarisht fushatwn pwr zgjedhjet e 18 qershorit.
“Sot ju me të drejtë prisni që unë t’i kaloj pjesët që kanë të bëjnë me politikën tonë gjinore dhe të them dy fjalë për situatën ku jemi. Ju mund të pyesni çfarë do ndodhë dhe unë ju përgjigjem që nesër PS do fillojë fushatën zyrtare për zgjedhjet e 18 qershorit.
I mësuar në shumë vite që të shikojmë sherr, konflikt, dasi, përplasje, e të shikojmë kriza në mos të gjithë në të shumtën e herës janë krijuar nga vetë politikanë nga vetë elitat e partive që flasin për popullin gjithë ditën por shumë pak mendojnë për të”, deklaroi Rama.
Në fjalën e ti kryeministri foli edhe për opozitën, duke e quajtur si një fëmijë që duhet të vijnë pas të gjithë. “I jam lutur hajde takohemi, më ka thënë do takohemi vetëm pasi të firmosësh dorëheqjen. Për çfarë do të takohemi pastaj të dalim në fotografi? I jam lutur aq shumë sa Romeo nuk i është lutur Xhuljetës në veprën e Shekspirit. Ofertat nuk janë autobusë unaze që ti të thuash jo s’po hipi se do vijë prapë. Ndërkohë PS që është partia më e madhe dhe që ka përgjegjësi nuk mund t’ia lejojë vetes të ndalojë punët e vendit se disa kujtohen ‘prit se më duket se gabova unë atëherë dhe tani m’u mbush mendja’. Për më shumë ditët janë përpara. S’mund të flas më shumë sepse mendoj se duhen respektuar miqtë tanë dhe më pas secili do thotë të vetat dhe populli do gjykojë kush ka të drejtë. Një gjë po ju them që e gjithë kjo histori e ka rrënjën tek frika e tyre nga drejtësia dhe e gjithë kjo përpjekje për të thënë sot se papritur pa kujtuar atyre iu lindi në zemër ta votojnë vettingun nuk është asgjë tjetër përveçse një lojë, një justifikim. Mbi të gjitha nuk jemi ne, nuk është populli që ju ka borxh atyre këto 3 muaj rrumpallë në bulevard por janë ata që i kanë borxh popullit vettingun.
Kështu që nuk po na bëjnë ndonjë dhuratë, por do ishin seriozë nëse do bënin detyrën që iu takon”, deklaroi Rama.
