Kreu i qeverisë, Edi Rama ka folur në Kuvend përveç të tjerash dhe për takimin me aleatin e koalicionit të mazhorancës.
Rama u shpreh se takimi me kreun e LSI-së, Ilir Meta në Kryeministri ishte për të ardhmen e koalicionit.
Kryeministri la të kuptohej se negociatat janë në rrugë të mbarë, por theksoi se ato nuk kanë përfunduar ende, raporton panorama.
“Takimi nuk ishte as për mbetjet, as për kanabisin, dhe as për gjë tjetër, por si të ndërtojmë fitoren e zgjedhjeve të ardhshme. Kur ta mbarojmë diskutimin do t’ju njoftojmë për dhimbjen tuaj”, u shpreh Rama. “Edhe ju të flini mendjen se jeni bërë kaq qesharakë sa dukeni si një komshi që thotë mua nuk më merr njeri, por ishalla ndahen komshinjtë e mi, që të më marri ndonjë prej tyre.”
