Aktualitet

Rama: Fati i drejtësisë në Shqipëri varet nga zgjedhjet e 25 Prillit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:31 - 03/03/21 |
Opi Nion

Kryeministri, Edi Rama, këtë të mërkurë ka prezantuar programin “Drejtësia që duam”.Gjatë fjalës së tij Rama i konsideroi zgjedhjet e 25 prillit si zgjedhjet të cilat lidhen me fatin e drejtësisë në Shqipëri.

Më tej Rama tha se PS-ja është e vetmja forcë politike që nisi dhe mund të përfundojë Reformën në Drejtësi.

Më dëgjoni me shumë vëmendje këtë që po përpiqem t’ju them sot. Këto zgjedhje lidhen në radhë të parë me fatin e drejtësisë në Shqipëri për një kohë të gjatë pas 25 Prillit, mbase për më shumë se një dekadë të tërë. E di mirë që jeni lodhur duke pritur me dekada drejtësinë që ju meritoni dhe që ne shumica e sotme PS duam për Shqipërinë, për të gjithë qytetarët e vendit që unë dua. Jeni lodhur me padrejtësinë dhe pandëshkueshmërinë për ata që ju mendoni që nuk meritojnë vend tjetër veç bankës së të akuzuarve për zullumet që kanë bërë dhe bëjnë sot e gjithë ditën, sidomos për ata që kanë kostum, kanë kravatë, të cilët duken se janë të paprekshëm pavarësisht atyre që bëjnë, por kjo lodhje është sot këshilltari më i keq në rrugën për të arritur drejtësinë që duam. Kjo lodhje, kjo pakënaqësi kaq e vërtetë në thelb mund t’ju çojë në vendimin e gabuar më 25 Prill. Ndërtimi i një sistemi drejtësie të drejtë, të atyre që e morën peng për kaq vite me radhë, nuk është një punë e lehtë, por puna më e vështirë mes të tëra punëve kaq të vështira për shtetndërtimin tonë europian. Kërkon më shumë kohë, më shumë vendosmëri sesa çdo punë tjetër. Më duhet t’ju kujtoj se kjo puna ka nisur shumë pak vite më parë dhe mos e harroni kurrë, këtë punë mund ta niste nesër vetëm një forcë politike në këtë vend, PS”, tha Rama./Opinion.al

Pas