VLORË-Mbivendosjen e pronave apo tjetersimin e tyre pas viteve ’90 do ta zgjidhe Kryeministri Edi Rama. Nga qyteti bregdetar i Vlores ai kercenoi: “Askush nuk do ta gëzojë pronën e grabitur”.
Rama mblodhi ne Vlore kreret e 4 institucioneve. Drejtorin e Pergjithshem te Policise, Haki Cako, Kryeprokurorin e Adriatik Llalla, drejtoreshen e Hitopekave, Sonila Qato dhe Avokaten e Shtetit. Ata nenshkruan nje marreveshje qe ka per qellim rihapjen e dosjeve te pronave. “Mesazhi i sotëm për të gjithë ata, të cilët janë në anën e shtetit në fushën e kësaj beteje të madhe, që përfaqësojnë prokurorinë, që përfaqësojnë policinë, që përfaqësojnë Avokaturën e Përgjithshme të Shtetit, që përfaqësojnë Agjencinë e Kthimit dhe Kompensimit të Pronave, është që parashkrimi mund të shpëtojë nga ndëshkimi penal autorët e grabitjes, por nuk mund ta amnistojë produktin dhe nuk mund të legalizojë produktin e grabitjes si një produkt legjitim të grabitësit. Pra, hajduti ka vjedhur, vepra është parashkruar dhe ajo që ka vjedhur i mbetet atij si pronë. Kjo është e papërfytyrueshme. Këto katër institucione kanë në dorë fatin e pronës në Shqipëri dhe duke pasur në dorë fatin e pronës në Shqipëri, kanë në dorë edhe fatin e gjeneratave të tjera. Të gjithë ata që do të përfshihen në këtë operacion duhet të jenë të vetëdijshëm që kanë një barrë të madhe për të mbajtur, sepse përgjegjësia është e jashtëzakonshme dhe sepse suksesi në këtë betejë ka një rëndësi historike të jashtëzakonshme për integritetin moral të këtij vendit, për integritetin juridik të këtij vendi dhe për zhvillimin ekonomik të këtij vendi”, u shpreh Rama.
