Te Fundit

Ndotja në Tiranë, Veliaj: Luftojmë zhulin me anketime


Bëhu pjesë e Grupit Zyrtar të Opinion.al
>> KËTU <<
               Publikuar në : 09:40 - 31/08/15 |
b.f

TIRANE- Tirana është qyteti më i ndotur në rajon. Kështu ka deklaruar kryetari i bashkisë Erjon Veliaj gjatë një takimi me shoqërinë civile. Ai paralajmëroi se në mbledhjen e ardhshme të këshillit bashkiak do të propozohet 4-fishimi i gjobave për ndotësit.

“Monopolin e pastrimit nuk e ka bashkia e ka e gjithë shoqëria”, tha ai, duke shtuar se “kemi vendosur disa gjoba të rënda pasi se jemi vendi më i ndotur në rajon”. “Do doja t’ju kisha në krah në aksionin e 4 shtatorit për të treguar se jemi një qytet që bie por që edhe ngrihet bashkë. Do doja të ishit pjesë e këtij operacioni, të bëheshit pjesë e këtij aksioni për të pastruar Tiranën”, tha Veliaj.

“Çështjen e pastrimit në qytet e kemi marrë shumë seriozisht. Besoj që ata që kanë lindur në komunizëm e dinë se varfëria nuk tregon mungesë higjiene”, u shpreh kreu i Bashkise.

Ndërkaq kryetari i bashkisë përmes një letre u është drejtuar qytetarëve të Tiranës për të marrë pjesë në aksionin e 4 shtatorit. Ndërsa për kompaninë e pastrimit, Veliaj thotë se do të fitojnë rinovim kontrate vetëm nëse “votohen” nga qytetarët. Do të bëjmë anketa për pastërtinë në qytet, shkruan Veliaj, i cili me të marrë detyren tha se “i kemi shpallur luftë zhulit”.

KOMENTO (0)

Shkruaj nje koment

    Pas