Në zonën e tij elektorale, Kryeministri Edi Rama është përballur me Ben Blushin, dikur deputet i tij dhe sot drejtues i Libra-s.
Në një kohë kur Rama u fliste mësuesve për arritjet e qeverisë së tij, rritjen e pagave dhe hyrjen në punë me meritokraci, Ben Blushi zhvillonte takimin me mbështetësit e Libra-s në Vlorë. Përmes një statusi në FB, Blushi ka përcjellë edhe ndjesitë nga Vlora, teksa nuk ngurron ta quajë Ramën të paaftë dhe të papërgjegjshëm.
“Takim me Librat në Vlorë. Sa shumë zhgenjim në qytetin e Flamurit. Kanë patur fatin e keq të kenë deputet një njeri totalisht të paaftë dhe KM, një të paaftë totalisht të papërgjegjshëm. Jam i bindur që Vlora e vuan këtë peshë dhe do ta zgjidhë në mënyrën e vet!”, shkruan në Facebook deputeti Ben Blushi
