Kryeministri Edi Rama duke marrë fjalën në foltoren e parlamentit pas diskutimit të deputeteve të PD, ka komentuar për herë të rrahjen dhe më pas largimin e biznesmenit libanezo-amerikan, Faadi Mitri.
Biznesmeni nuk u largua për shkak të pengesave burokratike të zyrave të shtetit por nga vendimi i një gjykatëse që vendosi tia japë pronën disa personave të tjerë, tha Rama.
Pjesë nga fjala e Ramës
Dëgjova fjalimin e parafolëses (Jorida Tabaku) në recitimin me lotë krokodili lidhur me sipërmarrësin që u bë lajm i ditëve të fundit për shkak të dhunës ndaj biznesmenit.
Ajo që ndodhi është nga plagët e sistmit që ngrite ti (Berisha).
Ai sipërmarrës që u largua ka ardhur në zyrën time pasi ne kemi marrë detyrën më ka parashtruar nga A te ZH të gjitha zvarritjet e tmerrshme të viteve të shkuara kur nuk merrte dot zgjidhje administarive. Qeveria ime i ka zgjidhur të gjitha problemet. Por pas zgjidhjes së problematikës papritur e pa kujtuar i jep dajak një gjykatëse, kthen në mënyrë abuzive pronën e dhënë për investime e kthen pronën dikujt tjetër, në korrik të këtij viti. Kjo u bë shkaku i shpërthimit të konfliktit për atë goditje. Ata që e rrahën morën fuqinë nga gjykatat. Ti e njeh atë gjykatëse që i dha pronën njërit vetëm se kishte korrur barin.
