Kryeministri Edi Rama iu bën apel qytetarëve të kuptojnë që virusi nuk ka ikur. Ashtu si zakonisht, Rama nuk kurseu as batutat duke theksuar se e kish marrë malli për gazetarët.
“U desh kjo kohë që unë ta kuptoja se sa shumë na merr malli për njeri tjetrin, nuk bëjmë dot pa njëri tjetrin. Lufta s’ka mbaruar. Dua ta ritheksoj se është e rëndësishme edhe pse e bezdisshme që njerëzit të mos harrojnë që virusi nuk ka ikur, se po të kishte ikur do e kishin deklaruar ata që janë shumë më të zhvilluar, ditur e pasur se ne, që vazhdojnë të jenë të mbyllur.
Virusi është këtu, edhe në kushtet kur ne e kemi normalizuar lëvizjen dhe jetën nga pikëpamja e lirive është e qartë që gjithë përgjegjësia tani nuk është e jona si qeveri, por e përbashkët me cdo qytetar” .tha kreu i qeverisë në një konferencë./Opinion.al
