Kryeministri Edi Rama ka zhvilluar sot një komunikim me gazetarët teksa vizitoi ambientet e ish- kirurgjisë në QSUT që tashmë janë shndërruar në një spital COVID-3.
Rama foli në lidhje me pasojat që shkaktoi pandemia COVID-19 në vendin tonë, ndërsa theksoi se do rezistojmë deri në fund të këtij 4 mujori.
Kryeministri tha se vendi në 4 mujorin e tretë vendi do të mund të rikthehet në parametrat ekonomik që ishte para ardhjes së pandemisë.
“Mbetet sfidë adresimi i pasojave ekonomike, hap pas hapi do i adresojmë këto pasoja, përtej cfarë thuhet, asgjë nuk është perfekte dhe pa të meta, ne do të arrijmë që të rezistojmë mirë deri në fundin e këtij 4 mujori të dytë, në të tretin do të shikojmë rikthimin e parametrave të ekonomisë dhe do të marrim vrull për kapërcimin në 2021, ku presim rikthimin e plotë të parametrave dhe më shumë se kaq”./ Opinion.al
