Kryesore

Rama – Bashës: Dhëndërr i inatosur që klith pse po pastrohet Shqipëria


Bëhu pjesë e Grupit Zyrtar të Opinion.al
>> KËTU <<
               Publikuar në : 13:30 - 15/10/20 |
Al Do

Kryeministri Rama i është përgjigjur akuzave të Lulzim Bashës, i cili e quajti atë anëtar të mafias së inceneratorëve.

Në një reagim në Twitter, Rama e quan kreun e PD “dhëndër i inatosur që klithje pse po pastrohet Shqipëria”.

Në reagimin e tij me nota të theksuara ironie, kryeministri nuk tërhiqet nga kontratat e inceneratorëve duke u shprehur se ato janë duke pastruar Shqipërinë nga plehrat.

Po ç’është ajo sallë dasmash ku i bëke konferencat o Lulëzim?!Të ndoqa pak sot e u habita, qesharake shumë salla dhe ti si dhëndërr i inatosur që klithje pse po pastrohet Shqipëria nga plehrat! Po si mund të jesh kaq nostalgjik për plehrat që i bëre mal në Tiranë e ndote dynjanë!

Po si mund t’u thuash shqiptarëve që mafia po pastron Shqipërinë nga haletë gjigande në mes të qyteteve më të mëdha të vendit e nga helmet që pushtuan ajrin me dekada në Tiranë, Durrës, Elbasan, Fier e gjetkë?! Po pse kështu do bëhesh KM ti o miku im Artist, me plehrat në gojë?!

E ke dëgjuar mirë nga unë, se ta kam thënë shpesh, shqiptarët s’janë budallenj, po ajo që s’kupton ti kur e thua këtë është se shqiptarët s’kthehen më tek plehrat o Lul!Sa më shumë do vuash në sytë e tyre duke qarë për plehrat që po pastrohen,aq më shumë do mërzitesh në 25 prill!”,shkruan Rama. /Opinion.al

Pas