Bota

Raketa ruse goditi Dnipron, jep dorëheqjen këshilltari presidencial i Ukrainës



Bëhu pjesë e Grupit Zyrtar të Opinion.al
>> KËTU <<
               Publikuar në : 10:47 - 17/01/23 |
Opi Nion

Këshilltari presidencial Oleksiy Arestovych i ka dorëzuar sot dorëheqjen presidentit ukrainas Volodmyr Zelenskyy.

Shkak mendohet të jenë bërë disa komente kontroverse të tij pasi një raketë ruse goditi një ndërtesë apartamentesh në Dnipro, duke vrarë të paktën 41 persona.

Arestovych fillimisht tha se sistemi ukrainas i mbrojtjes kundërajrore kishte rrëzuar raketën ruse Kh-22.

Këto komente u kapën shpejt nga propagandistët rusë, të cilët deklaruan më pas se ndërtesa ishte goditur nga një raketë mbrojtëse ukrainase.

Ish-këshilltari presidencial më vonë konfirmoi se Ukraina nuk i kishte mundësitë që të rrëzonte atë lloj rakete të lëshuar nga Rusia.

Duke njoftuar dorëheqjen e tij në Facebook, Arestovych shprehej: “U kërkoj falje të sinqertë viktimave dhe të afërmve të tyre, banorëve të Dnipro dhe të gjithë atyre që u lënduan thellë nga versioni im i gabuar i parakohshëm i ngjarjeve.”

Pas