Bota

Raketa ruse godet pallatin 5 katësh në Donetsk, shënohen 6 viktima



Bëhu pjesë e Grupit Zyrtar të Opinion.al
>> KËTU <<
               Publikuar në : 10:32 - 10/07/22 |
Opi Nion

Nuk ka fund të drama humanitare në Ukrainë, me të paktën gjashtë persona të vrarë dhe më shumë se 30 të bllokuar pasi raketat ruse goditën një ndërtesë banimi pesëkatëshe në rajonin e Donetskut.

Guvernatori i qarkut Pavlo Kirilenko raportoi në Telegram se sulmi filloi dje, të shtunën, në mbrëmje kundër qytetit të Chasiv Yar.

Ai shtoi se është konfirmuar vdekja e gjashtë personave, ndërsa të lënduarit janë pesë, por sipas informacioneve nga banorët, të paktën 34 persona mund të jenë të bllokuar në rrënoja.

Granatime të reja të rënda

Ushtria ruse vazhdoi bombardimet e saj ndaj Ukrainës të shtunën dhe po përgatitet “për veprime të reja”, sipas zyrtarëve ukrainas.

SHBA, e cila vazhdon të rrisë ndihmën ushtarake për Kievin, i bëri thirrje Kinës të dënojë “agresionin rus” në Ukrainë dhe Britania mirëpriti grupin e parë të ushtarëve ukrainas që do të trajnohen atje.

Në Donbass, në Ukrainën lindore e cila dalëngadalë po bie nën kontrollin rus, “goditjet e ashpra të artilerisë ruse nuk ndalen as për një ditë”, tha mbrëmë presidenti ukrainas Volodymyr Zelensky dhe kërkoi të tjera armë “moderne dhe të fuqishme”.

“Brenda një dite, Rusia goditi Mykolaiv (në jug), Kharkiv (juglindje), Krivy Rig (vendlindja e Zelensky në lindje), fshatra në rajonin e Zaporizhzhya . Ata goditën qëllimisht shtëpi të thjeshra apo banesa të njerëzve politikë. Ka viktima, të vdekur, të plagosur”, theksoi ai.

Në Ukrainën lindore, banorët e qytetit të vogël Druzkivka, në jug të Kramatorsk, u zgjuan të shtunën nga një sulm me raketë që hapi një krater të madh përpara një supermarketi.

 

Forcat ruse, të cilat në fillim të këtij muaji njoftuan se kishin marrë kontrollin e provincës Luhansk, e kanë kthyer vëmendjen e tyre në Donetsk me synimin për të kapur të gjithë luginën e Donbass, e cila është kontrolluar pjesërisht nga separatistët pro-rusë që nga viti 2014.

Të paktën një person u vra dhe dy u plagosën në Kriviy Rig, sipas shtabit të përgjithshëm të ushtrisë së Ukrainës.

“Veprimet e reja”

Nga ana e saj, ushtria ruse siguroi se shkaktoi dëme të konsiderueshme në ushtrinë dhe pajisjet e Ukrainës në rajonet e Mykolayiv dhe Dnipropetrovsk.

Në një deklaratë, Ministria ruse e Mbrojtjes tha se ushtria bombardoi provincat Donetsk dhe Kharkiv, ku sipas zyrës së prokurorisë lokale të Ukrainës, gjashtë civilë u plagosën.

 

“Autoritetet” separatiste të Zaporizhia kanë akuzuar Kievin për ndërprerjen e furnizimit me gaz në rajon.

Ushtria ruse “ka filluar të rigrupohet, ose më mirë të rikonfigurojë grupet e saj dhe të përgatitet për operacione të reja në Sloviansk, Kramatorsk dhe Bakhmut”, tha guvernatori i Donetsk Pavlo Kirilenko në Telegram të premten mbrëma.

“E gjithë vija e frontit po bombardohet pandërprerë”, shtoi ai./Opinin.al

Pas