Bota

Raketa kineze del jashtë kontrollit, mbetjet raketore rrezik për njerëzit



Bëhu pjesë e Grupit Zyrtar të Opinion.al
>> KËTU <<
               Publikuar në : 11:24 - 28/07/22 |
el ida

Mbetjet e një rakete të madhe kineze pritet të kalojnë nëpër atmosferë këtë fundajvë. Edhe pse Pekini është duke e ndjekur nga afër këtë proces, përsëri thuhet se paraqet rrezik për këdo në Tokë.

Raketa Long March 5B  me gjatësi 30 metra dhe peshë 22 ton shpërtheu të dielën teksa ishte lëshuar në hapësirë për të dërguar një modul laboratorik në stacionin e ri hapsinor kinez që ndodhet në orbitë.

Sipas mediave të huaja, mbetjet e raketës kanë arritur në orbitë. Analistët në SHBA thanë se trupi i raketës do të shpërbëhet, ndërsa zhytet nëpër atmosferë, por ka të shumë mundësi që copa të shumta të mos shkatërrohen.

Momentalisht është e pamundur të përcaktohet vendodhja e mundshme e fushës së mbeturinave, edhe pse ekspertët do të jenë në gjendje të ngushtojnë zonën e mundshme të ndikimit më afër hyrjes gjatë ditëve në vijim.

“Rreziku i përgjithshëm për njerëzit është mjaft i ulët, duke pasur parasysh se 75 për qind e sipërfaqes së Tokës në rrugën e mundshme të mbeturinave është ujë, shkretëtirë ose xhungël”, tha në një konferencë për shtyp analisti i hapësirës ajrore Ted Muelhaupt.

Sidoqoftë, ekziston mundësia që pjesët e raketës të zbresin mbi një zonë të populluar, tha Muelhaupt.

Në të kundërt, tha ai, Shtetet e Bashkuara dhe shumë shtete që kanë aksese në hapsirë të shtojnë shpenzimet për projektimin e raketave të tyre për të shmangur çdo incident në të ardhmen.

Ndër të tjera Ted Muelhaupt tha se gjasat që dikush të plagoset ose të vritet këtë fundjavë nga rënia e copave të raketës variojnë nga një në 1,000 në një në 230, shumë mbi pragun e pranuar ndërkombëtarisht të rrezikut të viktimave prej një në 10,000.

Zëdhënësi i ministrisë së jashtme kineze Zhao Lijian tha se probabiliteti që mbeturinat të shkaktojnë dëme në aviacion ose në njerëz dhe prona në terren është shumë i ulët. Ai tha se shumica e komponentëve të raketës do të shkatërroheshin teksa bien në tokë.

Vitin e kaluar, NASA dhe të tjerët akuzuan Kinën si të paqartë pasi qeveria e Pekinit heshti në lidhje me trajektoren e vlerësuar të mbeturinave.

Pas