Një 28-vjeçar ka rënë në pranga të policisë. Sipas njoftimit zyrtar ai do të kryente një vrasje në Tiranë, por falë bashkëpunimit mes qytetarëve dhe policisë është vënë në pranga.
“Të martën në mbrëmje, rreth orës 20:50 është marrë njoftimi nga ana e shërbimeve të Seksionit të Hetimit të Krimeve në Komisariatin e Policisë Nr. 2 Tiranë së në rrugën “Bilal Xhaferi”, ndodhej një person i cili bënte lëvizje të dyshimta dhe dyshohej se kishte armë zjarri me vete. Policia ka organizuar punën duke bërë lokalizimin e menjëhershëm të personit të dyshuar. Shërbimet e Policisë kanë mbajtur nën kontroll personin duke bërë të mundur që me metoda të shpejta proaktive në bashkëpunim me DVP Tiranë dhe Shkodër të identifikonin personin e dyshuar, person me rrezikshmëri të lartë shoqërore”, tha zëdhënësi i Policisë së Shtetit, në një deklaratë për mediat.
Kështu në pranga përfundoi Sadetin Erkoçeviq, 28 vjeç, lindur dhe banues në Shkodër. Këtij shtetasi në momentin e kontrollit i është gjetur në çantën e dorës një armë zjarri pistolete e tipit Bereta, me 14 fishekë dhe një fishek në fole gati për qitje.
Në 15 shkurt të 2018, ai është dënuat me 20 vjet burg për veprat penale “Vrasje me dashje” dhe “Prodhim dhe mbajtje pa leje te armeve e municioneve luftarake”.
Ky dënim është dhënë pasi në 10 maj të 2014, në fshatin Zeus në një lokal me muzikë live, Sadetin Erkoçeviq ka vrarë me armë zjarri pistoletë shtetasin I.Y. dhe ka plagosur një tjeter./ Opinion.al
