Bota

Qeveria britanike insiston në ratifikimin e shpejtë të Brexit


               Publikuar në : 19:52 - 14/05/19 |
el ida

Qeveria britanike deklaroi se është e domosdoshme të ratifikohet marrëveshja e daljes së Britanisë nga Bashkimi Evropian para pushimeve verore që zakonisht në Britani fillojnë në mesin e muajit korrik.

Sekretari i Jashtëm britanik, Jeremy Hunt tha se liderët e BE-së, nuk dëshirojnë sërish zgjatjen e afatit, dhe periudha më e mirë sipas tij është para pushimeve verore.

Gati tre vjet pasi qytetarët britanikë votuan pro daljes së vendit nga Bashkimi Evropian, ende nuk ka një marrëveshje midis politikanëve britanikë se kur dhe si do të ndodhë ky proces.

Britania duhej të dilte nga Bashkimi Evropian më 29 mars por kryeministrja, Theresa May, nuk arriti të bindë ligjvënësit britanikë për të votuar marrëveshjen e arritur me udhëheqësit e BE-së.

Megjithatë ajo arriti të marrë aprovimin e BE-së për shtyrjen e afatit të Brexit-it deri më 31 tetor, datë kjo kur Britania duhet të dalë nga BE-ja me ose pa marrëveshje./Opinion.al

 

 

 

Pas