Aktualitet

Shkrimi i fortë në Bild: Shteti në duar të gangsterëve


               Publikuar në : 20:53 - 14/05/19 |
geliano fataj

Gazeta gjermane “Bild” ka analizuar situatën dhe protestat e opozitës në Shqipëri. Media e njohur shkruan se “Shqipëria është shembulli kryesor i një vendi kaotik në duart e gangsterëve”.
Gjithashtu raporton akuzat e opozitës ndaj qeverisë për korrupsion dhe blerje të votave ndërsa thekson se vendi po drejtohet me një kushtetutë jofunksionale.

Ndër të tjera raporton dhe shkarkimin e ministrit Xhafaj dhe Tahiri, për të cilët ka dyshime të forta për lidhje me krimin dhe grupe të trafikut ndërkombëtar të drogës.

“Kryeministri akuzohet vazhdimisht për lidhje me drogën. Kështu, opozita e akuzon atë për blerjen e votave me paratë e drogës. Regjistrimi i një telefonate duhet ta provojë këtë. Më 11 shtator të vitit 2016, Rama i telefonoi kreut të një komisioni zgjedhor rajonal për të pyetur nëse zgjedhjet kishin shkuar ashtu siç ishte diskutuar. Përgjigja e drejtuesit të zgjedhjeve: Po, shef, gjithçka siç e kemi diskutuar. Rasti është i njohur në Shqipëri si ‘Dosja 184’”, shkruan më tej gazetari Peter Tiede.

Akuzat për blerjen e votave i ngre edhe ish-ministri i Drejtësisë i Ramës, Ylli Manjani, Manjani, një profesor i respektuar i ligjit, thotë për BILD: “Organizata të ndryshme ndërkombëtare kanë konfirmuar se ka pasur blerje të votave në masë”.

Manjani sheh pas kësaj një projekt të përbashkët të Ramës dhe mafias: “Qeveria mbron mafien dhe lejon biznesin e tyre të drogës. Në këmbim, bandat dhe klanet blejnë vota për qeverinë”./ Opinion.al

Pas