Edhe në 2016-ën, buxheti nuk i shpëtoi dot arnimit. Ministria e Financave e drejtuar tashmë nga Ahmetaj ka përmbyllur rishikimin e buxhetit, dhe pritet që së shpejti të shkojë në Qeveri.
Financat konfirmojnë se nuk do të ketë ndryshime në planin e të ardhurave, pasi objektivi mbetet arkëtimi i 419 miliardë lekëve, aq sa ishte planifikuar në fillim të vitit.
Edhe shpenzimet parashikohet të mos shënojne tkurrje në vlerë. Por, Ministria e Fianancave pranon se do të ketë ndërhyrje në shpenzime përmes rialokimit te fondeve dhe nje ekuilibrimi te investimeve.
Pritet të rialokohen 4 miliardë lekë, nga investimet me burime të huaja, për shkak të problemeve që shfaqin disa nga projektet.
Ministria e Financave duket se sheh me prioritet perfundimin e disa projekteve, siç është unaza e madhe e Tiranës. Për këtë segment, bëhet e ditur se po shkon gjysma e fondeve të siguruara nga shitja e kompanisë INSIG, raporton ABC NEWS.
Nje pjese fondesh nga shpenzimet publike pritet te shkojne edhe per pagesat e detyrimeve të prapambetura, që është edhe detyrim primar nga Fondi Monetar Ndërkombëtar, kryesisht në sektorin e transportit.
Janë gati 1.2 miliardë lekë detyrime të prapambetura të krijuara rishtazi nga punimet e infrastrukturës, të cilat parashikohet te paguhen plotesisht. Ne gjysmen e pare te vitit shpenzimet publike ishin 8 % me pak se plani, ndersa shpenzimet ne investime, ishin shume me te uleta.
