Përdhunimet e grave në burgje/ Nevila Nika: Kam dëgjuar zërin e një gruaje që bërtiste në burg

Një nga ngjarjet më të dhimbshme gjatë regjimit komunist ishte përndjekja, persekutimi i artistëve, por edhe përdhunimi i grave në burgjet e regjimit, nga prokurorët, gardianët etj. Një nga këto këngëtare e cila folur mbi këtë temë është edhe Alida Hisku e cila ka hapur edhe temën e përdhunimeve në burg. Por çfarë ka ndodhur realisht? Çfarë thonë kolegët e saj, një pjesë të ftuar në studion e “Opinion” për të folur mbi këtë temë.Nevila Nika, ish-kryetare e Arkivit të Shtetit rrëfen se ka dëgjuar zërin e një femre në Burgun e Sigurisë së Lartë që bërtiste.

“Kam qenë për një kohë të gjatë punonjëse e Arkivit të Shtetit. Përvoja e gjatë në Arkivin e Shtetit, një ndërtesë është në afërsi me burgun e Sigurisë së Lartë dhe unë nuk kam filluar punë atje. Isha një vajzë që sa vija nga universiteti dhe shikonim të burgosurit kur mbushnin ujë. Nuk i shikojë gratë, vetëm ata që ishin të burgosur ordinerë. Ajo që mbaj mend është në kujtesën time ishte ulërima e nje gruaje që bërtiste. Ishte paradite. Një kolege më tha “Hajde, hajde të dëgjojmë”. Ishte një kontakt i parë shokues. Njëra prej kolegeve tona, më thotë që nuk kishte shumë kohë kur titullari i arkivit i kishte thënë që çfarë do që të bëni bëjeni nga krahu tjetër. Ajo grua bërtiste “O Enver Hoxha”. Dritaret ishin më të mëdha u bënë shumë të vogla. Nga dokumentat e zonjës Hisku, unë nuk di të them i ka ndodhur apo jo, po kam gjetur që ka ndodhur. Unë kam hasur edhe emrin e personit që e ka bërë dhe kujt i ka ndodhur, Kam gjetur bllokun e dikujt, në kohën e Koçi Xoxes. Personat raportojnë dhe bëjnë autokriotike. Dhe një prej tyre e ka pranuar. Një zonjë e kam takuar dhe e ka pranuar. Kam njohur Drita Kosturin rrëfente qelitë e përbashkët në Shkodër, më rrëfente se si një vajzë pasi ishte torturuar, ishte e zhveshur…”