Presidentja e Komisionit Evropian, Ursula von der Leyen mbërriti sot në Tiranë në kuadër të Samitit politik Evropian që mbahet në vendin tonë.
Gjatë fjalës së saj për gazetarët, Von der Leyen ka bërë thirrje për një armëpushim pa kushte.
Ajo theksoi se është Putin i cili nuk dëshiron paqen.
“Ne kërkojmë një armëpushim pa kushte. Ukraina, me mbështetjen e Bashkimit Evropian dhe Shteteve të Bashkuara, është e gatshme për paqe.
Por fakti që Presidenti Zelensky ishte i gatshëm të takohej dhe nga ana tjetër nuk pati asnjë reagim nga Kremlini, tregon qartë se Putin nuk e dëshiron paqen”, deklaroi Von der Leyen.
