Presidenti rus Vladimir Putin nënshkroi të enjten një dekret për të rritur numrin e forcave të armatosura ruse nga 1.9 milionë në 2.04 milionë.
Në dekretin e Putinit të publikuar në portalin legjislativ të qeverisë, përmendet edhe personeli që do të punësohen nga radhët e civilëve për llogari të forcave të armatosura ruse.
Më 29 maj, Presidenti Vladimir Putin nënshkroi një ligj që u mundëson personave mbi 40 vjeç të regjistrohen në forcat e armatosura. Më parë ushtria ruse kishte kufij moshe për rekrutimin e ushtarëve nga 18 deri në 40 vjeç.
Dekreti, i cili hyn në fuqi më 1 janar, vjen shtatë muaj pas pushtimit të Ukrainës dhe mes raportimeve të pakonfirmuara për humbje të konsiderueshme të pësuara nga forcat e armatosura ruse gjatë këtij konflikti./Opinion.al
