Gjatë seancës dëgjimore para Senatit amerikan, Eric Wendt deklaroi se Shtetet e Bashkuara të Amerikës do të vijojnë të mbështesin forcimin e shtetit ligjor në Shqipëri, duke e cilësuar Porto Romano si një pikë të rëndësishme strategjike.
“Do të ndihmojmë në forcimin e ligjit. Porto Romano është një pikë kyçe. Mendoj që pikat kyçe i kupton më mirë vetëm kur je në terren”, u shpreh Wendt gjatë deklaratës së tij para senatorëve.
Ai theksoi gjithashtu se Shqipëria ka bërë progres të konsiderueshëm në luftën kundër korrupsionit, duke vlerësuar reformat dhe bashkëpunimin mes dy vendeve në forcimin e institucioneve dhe sundimit të ligjit.
“Nuk jam i njohur me investimet e familjes Trump në Shqipëri, por nëse ka pyetje për veprime ndërpersonale ia drejtoni atyre. Puna ime dua të jem i sigurt të bëhet në mënyrën më të mirë të ndiqet ligji. Dhe për korrupsionin jam dakord që SPAK, besoj se ka qenë efektive. Mezi pres të shkoj aty që të kuptoj vërtet çfarë po ndodh dhe çfarë nuk po ndodh”, tha ai.
