“Pse po vetëvriten pacientet me Covid”, reagimi i Shoqatës së Infermierëve

Pas vetëvrasjes së ndodhur ditën e djeshme tek spitali “Shefqet Ndroqi” ku një pacient me Covid-19 u hodh nga kati i katërt, ka ardhur edhe reagimi i Shoqatës së Infermierëve.

Ata rendisin disa pika që sipas tyre janë shkaktarë të këtij fenomeni i cili ka ndodhur dy herë deri tani në spitalin COVID 2.

Mungesa e stafit mjekësor, mungesa e punonjësit social, izolimi nga të afërmit dhe përdorimi pa kriter i disa mjekimeve janë disa nga shkaqet që ata japin.

Në postimin e tyre në Facebook, shoqata thotë gjithashtu se kur një pacient ndërron jetë nga Covid-19, mbahet në të njëjtën dhomë me pacientë të tjerë deri në momentin që merret nga mjekësia ligjore dhe në këtë situatë një pacient me COVID pëson shok psikologjik.

Ata shtojnë gjithashtu se “pas pacientëve me covid, radha e vetëvrasjeve mund të jetë e vetë personelit shëndetësor për shkak të mbingarkesës në punë.

“Ate cfare ata shohin cdo dite ne pacient te ndryshem,ate cfare ata ndjejne sa here humbet jeten nje pacient dhe lodhjen qe kane gjate oreve te gjata te sherbimit nuk eshte cudi qe dhe neser ne lajme te shohim se si mjek apo infermier nga lodhja,stresi apo depresioni u vetevra.”, shkruhet në postimin e tyre.

Ata i drejtojnë disa pyetje autoriteteve se sa do të zgjasë kjo gjendje ku ata po trajtohen pa asnjë kujdes.

“Ku eshte kujdesi ndaj personelit??? A duhet te kete sherbim psikologu dhe per personelin shendetesore??? A duhet te kete kohe pushimi dhe per ta??? Mos valle duhet te vazhdojne te trajtohen si kafshe pune akoma personeli shendetesore pa asnje kujdes ndaj tyre??? Po ata pse valle vazhdojne e heshtin??? Sa do zgjasi kjo drame per to??? Nese personeli vazhdon te infektohet e te vetevritet kush do sherbej neser ne spitale dhe qendra shemdetesore??? Mos valle ka ardhur koha te kthehet fokusi nga personeli Shendetesore i lene pas dore prej vitesh???”. /Opinion.al