Jelekëverdhët do të jenë kandidatë në zgjedhjet europiane të 2019-ës.
Anëtarët e Iniciativës për Qytetarët (RIC) kanë përgatitur një listë kandidatësh dhe do të konkurrojnë në zgjedhjet e majit të 2019-ës, lista kryesohet nga Ingrid Levavasseur.
Në një deklaratë për mediat, kandidatët shpjegojnë edhe arsyet se pse vendosën për t’u bërë pjesë e kësaj gare.
Sipas tyre, lëvizja qytetare e lindur në Francë më 17 nëntor të 2018-ës, krijon mundësinë për të transformuar zëmërimin e popullit në një projekt politik, të aftë për t’i dhënë përgjigje dilemave dhe vështirësive të qytetarëve francezë që kanë mbështetur lëvizjen për muaj me radhë.
Drejtori i fushtës së jelekëverdhëve, Hayk Shahinyan, tha në BFMTV se donin të ndërtonin një listë me persona të pavarur dhe që përfaqësojnë shtresat shoqërore të Francës.
Lëvizja e jelekëverdhëve në Francë ka përzgjedhur 10 kandidatë për zgjedhjet evropiane të majit, por thotë se synon ta zgjerojë listën me 79 emra.
Kjo lëvizje është e përqafuar nga një listë gjerë personash, disa prej të cilëve refuzojnë çdo lidhje me kastën aktuale politike në Francë dhe në BE.
Dhjetë kandidatët e jelekëverdhëve, variojnë nga mosha 29 deri në 53-vjeç dhe kanë backgrounde të ndryshme, përfshirë një menaxher biznesi të vogël, një avokat, një tjetër punonjës kujdesi dhe një nënë me kohë të plotë. Gjashtë prej kandidatëve janë gra dhe katër burra.
Gjatë protestave të qytetarëve francezë, Parisi ka parë përleshjet më të rënda në rrugë që nga 1968./Rel.d/
