Aktualitet

Protestoi para pallatit të ambasadorit, studentja thirret në polici


               Publikuar në : 23:09 - 14/05/19 |
geliano fataj

Një nga studentët që shkoi tek hyrja e pallatit të ambasadorit OSBE-së në Tiranë, Borchardt, pas protestës të së shtunës është thirrur në polici. Bëhet fjalë për studenten Ana Hazizaj, pjesë e LRI-së. Denoncimi bëhet nga Petrit Vasili. Sipas tij ky veprim behet për presion.

“Policia që nuk guxon të ndale horrat, kriminelet dhe të korruptuarit thërret në mes të natës një vajze te re studente. Ana Hazizaj ka të drejtën e fjalës ka te drejtë të mendojë ndryshe ka të drejte të protestojë. TURP më të madh Shqipëria nuk ka parë. Turp për çdo ndërkombëtar që hesht ndërsa studentja Ana Hazizaj thirret në mes te natës”, shkruan Vasili.

Një grup të rinjsh të partive opozitare që kanë shkuar në pallatin ku banon ambasadori Bernd Borchardt ditën e protestës, të shtunën. Me duartrokitje dhe në kor në anglisht ata thonë: Borchardt turp për ju! Po ashtu në hollin e pallatit është shkruar e njëjta parullë: Borchardt turp për ju!

Ky reagim erdhi pasi teksa opozita protestonte OSBE do të publikonte një deklaratë të fortë: Organizatorët e protestës së mbrëmjes të sotme duhet të mbajnë përgjegjësinë politike për dhunën kriminale të ushtruar nga disa prej ndjekësit e tyre. Mendimet tona shkojnë me familjet e të plagosurve. OSBE-ja do të vijojë të nxisë opozitarizmin efikas dhe dialogun në Shqipëri. Por ne i dënojmë plotësisht ata që përpiqen të përdorin dhunën si një rrugë të shkurtër politike; ata do të dështojnë./ Opinion.al

Pas