Bota

Protestë në Hamburg: Profesioni më i vjetër ka nevojë për ndihmën tuaj


Bëhu pjesë e Grupit Zyrtar të Opinion.al
>> KËTU <<
               Publikuar në : 17:42 - 12/07/20 |
Al Do

Punonjëset e seksit në lagjen e dritave të kuqe të Hamburgut, protestuan deri vonë të shtunën në mbrëmje duke kërkuar që shtëpitë publike të Gjermanisë të lejoheshin të rihapeshin pas muajsh të mbylljes për të frenuar përhapjen e koronavirusit.

Me dyqanet, restorantet dhe baret e hapura përsëri në Gjermani, ku prostitucioni është i ligjshëm, punonjësit e seksit thonë se po veçohen dhe privohen nga jetesa e tyre, pavarësisht se nuk paraqesin një rrezik më të madh për shëndetin.

“Profesioni më i vjetër ka nevojë për ndihmën tuaj”, lexohet në një njoftim të mbajtur nga punonjëse seksi gjatë protestës.

Disa protestues mbanin maska ​​teatrale ndërsa njëra luante këngë popullore në një violinë në rrugë pranë zonave të njohura për jetën e natës.

Shoqata e Punonjësve të Seksit, e cila organizoi protestën, thotë se mbyllja e vazhdueshme e ambienteve të licencuara po detyron disa punonjëse të dalinn në rrugë, gjë e cila është e paligjshme dhe një mënyrë shumë më e rrezikshme dhe jo-higjienike e punës.

Ato thanë se shtëpitë e seksit mund të përfshijnë lehtësisht masa sigurie të miratuara nga industri të tjera, duke përfshirë maskat për fytyrën, ambientet e ventilimit dhe regjistrimin e detajeve të kontaktit të vizitorëve.

“Prostitucioni nuk ka një rrezik më të madh të infeksionit sesa shërbimet e tjera të afërta me trupin, siç janë masazhet, kozmetika apo edhe sportet e vallëzimit ose kontaktit,” tha shoqata në një deklaratë. “Higjiena është pjesë e biznesit në prostitucion.”, raportoi Reuters. /Opinion.al

Pas