Teksa sot pedagogët pritet të mbajnë protestën e radhës ka ardhur edhe reagimi i kryeministrit Edi Rama.
Përmes një statusi në “Twitter” kreu i qeverisë shkruan se nuk do të ndodhë rritja e pagës pa dalë dimri dhe pa marrë pensionistët shpërblimin në fundvit.
Ndër të tjera Rama thekson se se nuk do të ketë asnjë vetting ndaj pedagogëve.
“Mediat e angazhuara masivisht për ta paraqitur si masive protestën e një pakice pedagogësh,nën udhëheqjen e nongratave e të shiksave të tyre,flasin për gjoja një Veting që do bëka regjimi imagjinar për pedagogët! Asnjë Veting as do bëhet, as është thënë e as është e menduar!
Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!” – shkroi Rama në Twitter.
