Deputeti socialist Ardit Bido tha në emisionin “Opinion” se banorët e Zvërnecit nuk kërkojnë ndalimin e projektit, por zhvillimin dhe të jenë përfitues prej tij.
Si deputet i qarkut të Vlorës, Bido u shpreh se zhvillimi I Zvërnecit ka qenë pjesë e fushatës socialiste dhe se deri në këto moment ka një dezinformim dhe mashtrim të opinionit publik.
“Nuk besoj fare që ky është rasti më i deklaruar nga qeveria, por edhe nga deputetë të zonës. Gjatë fushatës elektorale, ku si kandidat i PS dhe kandidatë të tjerë, një nga gjërat që ne kemi përmendur ka qenë pikërisht zhvillimi i kësaj zone. E kam përmendur gjatë gjithë fushatës sime elektorale. Nuk ka projekt, ka vetëm ide. Ka një dezinformim total deri në një mashtrim të opinionit publik. Në protestë ka tre kategori: janë banorët e zonës të cilët protestojnë për pronësinë. Kanë probleme me çështjen e pronësisë dhe jo të zhvillimit. Unë deri më sot nuk kam takuar personalisht asnjë banor të Zvërnecit dhe më besoni që njoh shumë, të cilët kërkojnë që atje të mos zhvillohet një projekt. Krejt e kundërta, ata kërkojnë që të zhvillohet një projekt, por si përfitues të shitjes së tokës të jenë ata. Kategoria e dytë që pamë në protestë, janë ambientalistët, të cilët nuk duan zhvillimin e asnjë projekti dhe e treta ishte një kategori një rryme politike të caktuar e cila është kundër çdolloj zhvillimi kapitalist në vend që e ka të deklaruar në programin e tij”, tha Bido.
